ජයසුන්දරගේ පඩි කැපීමේ නිල / නොනිල යෝජනාව
ජයසුන්දරගේ පඩි කැපීමේ නිල / නොනිල යෝජනාව P. පඩි B. භාගයේ ජයසුන්දරගේ අසරණ රජයේ සේවකයාගේ පඩිපත ඩැහැගැනීමේ නිල /නොනිල යෝජනාවට පොදු ජනයාගෙන් මේසා විරෝධයක් පැන නැංගේ ඇයි ? ලංකාවේ ඉන්නේ දේශද් රෝහීන් ද ? රට මෙතරම් විපතකට පත් වී ඇති අවස්ථාවක පොඩි කැපකිරීමක් කරන්ඩ සිත් නොදෙන ආත්මාර්ථකාමීන්ද ? විමසා බලමු. සුනාමි විපතේදී , ගංවතුර විපතේදී , අනෙකුත් හැම විපතකදී පෙරට පැමිණ අත ඇති සොච්චම ද බෙදා ගත් ජනතාවකි අපි. විපතේදී සිත උණු වන ජාතියකි අපි. එසේනම් මේ වූයේ කුමක්ද ? රජයේ ඉහළ තනතුරක් දැරීමට නුසුදුසු යයි අධිකරණයෙන් තීන්දු කළ , ජනතා පිළිකුලට ලක් වූ තක්කඩියකු දන්දීම පිළිබඳ අපට කියා දිය යුතු නැත. බළලුන් ලවා කොස් ඇට බා ගැනීමට තැත් කරන තක්කඩින් ගැන ජනතාව හොඳින් දනී. මේ කලේ , ඡන්දෙන් පසුව හෝ පඩි පතට වැඩේ දීමට මුට්ටිය දමා බැලීමයි. නිල ලිපි හිසක ලිපියක් ලියා වැඩේ පත්තු වූ පසු එය පෞද්ගලික අහිංසක ඉල්ලීමක් බව පැවසුවේය. එම දීකිරට සාක්කි දීමට බළලුන් පෝලිමේ ආවේය. ඒකයි අප කිව්වේ මේ බළලුන් ලවා කොස් ඇට බෑවීමක් කියා. පෞද්ගලික ඉල්ලීමක් නම් අනිත් උන්ට ගායද ? එතකොට මේ විකට නාටකය පිටුපස සිටි අශ්ශීල දේශපාලනඥයාග